Çox faydalı hesab olunan moruğun orqanizmə zərəri tapılıb.
Azdoktor.az Bakupost.az-a istinadən xəbər verir ki, dietoloq həkim Anton Polyakov populyar giləmeyvənin qaraciyərdə ciddi problem tətikləyə biləcəyini açıqlayıb.
«Həddən artıq çox moruq yemək, moruqlu çay orqanizmdə fruktozanın miqdarını artırır, bu isə qaraciyərin funksiyasına mənfi təsir edir.
Əgər orqanizm mütəmadi fruktoza hücumuna məruz qalırsa, bu orqanizmin toksiki yükünü artırır və bu da detoksikasiyanı tələb edir.
Moruqdan podaqrası və mədə-bağırsaq xəstəlikləri olanlar da imtina etməlidir. Xüsusən 5 yaşa qədər uşaqların qaraciyəri moruğa hazır deyil.
Digər hallarda moruq immuniteti gücləndirir, virus, infeksion xəstəliklərə qarşıdır».
